«Артериялық қан қысымыңызды бақылай отырып, өміріңізді басқарасыз!» ұранымен ақпараттық акция өткізілді.
Түркістан облыстық салауатты өмір салтын қалыптастыру орталығының ұйымдастыруымен Қожа Ахмет Ясауи атындағы Халықаралық қазақ-түрік университетінің клиника-диагностикалық орталығы емxанасы дәрігерлерінің және бұқаралық ақпарат құралдарының қатысуымен, Дүниежүзілік артериялық гипертониямен күрес күні аясында, 2019 жылдың 18 мамыр күні «Артериялық қан қысымыңызды бақылай отырып, өміріңізді басқарасыз!» ұранымен “SULPAK” сауда-орталығында ақпараттық акция өткізілді. Акция барысында облыстық салауатты өмір салтын қалыптастыру орталығының мамандары xалық арасында артериялық гипертонияның алдын алудың маңыздылығын насихаттап, кардиолог, терапевт дәрігерлері қала тұрғындарына медициналық кеңес беріп, артериалық қан қысымын өлшеп, қандағы қант, xолестерин мөлшерін анықтап, халықпен ақпараттық түсіндірме жұмыстары жүргізілді. Акция барысында xалық арасында сауалнама жүргізіліп, ақпараттық таным материалдар таратылды.
