15 қаңтар 2019 жылы, ХҚТУ медицина факультетінің 231 аудиториясында, Қабылдау бөлімінің меңгерушісі Ермаханова Ж.А. дайындаған «ҚР жедел медициналық көмекті және санитариялық авиация нысанындағы медициналық көмекті көрсетуді ұйымдастыру стандартын бекіту туралы» атты дәріс өтті.
«Қазақстан Республикасында жедел медициналық көмекті және санитариялық авиация нысанындағы медициналық көмекті көрсетуді ұйымдастыру стандартын бекіту туралы» Қазақстан Республикасы Денсаулық сақтау министрінің 2017 жылғы 3 шілдедегі № 450 бұйрығы. Қазақстан Республикасының Әділет министрлігінде 2017 жылғы 8 тамызда № 15473 болып тіркелді.
Дәрістің басты мақсаты — Қазақстан Республикасында жедел медициналық көмек көрсету қағидаларын түсіндіру, жедел медициналық көмек мамандарының кәсіптік білім деңгейіне қойылатын талаптарды жеткізу.
Ермаханова Ж.А. жедел медициналық көмек көрсету тәртібі туралы толық түсіндіріп, әр кезеңді көрнекі материалдармен бекітті. ЖМКС диспетчері қабылдаған шақыртулар 4 (төрт) жеделділік санатына бөлінетіндігін, айқындады.
Стационарлық көмек көрсететін медициналық ұйымдардың қабылдау бөлімшесі деңгейіндегі жедел медициналық көмек туралы анық түсіндірді. Әр медициналық ұйым қабылдау бөлімшесінің құрылымы мынадай болуын, дұрыс екендігін, көрсетті:
1) тіркеу постары (тіркеу бөлімі — диспетчерлік);
2) пациенттерді байқауға арналған пост;
3) 3Н – жүйесі (Триаж – жүйесі) бойынша медициналық іріктеу нәтижелері ескерілген функционалдық сырғытқылары бар универсалды қарау кабинеттері;
4) шұғыл операциялық араласуға арналған операциялық зал;
5) манипуляциялық бөлме;
6) науқастардың келіп түскен сәтінен бастап емдеуге жатқызуға көрсетілімдері және болжамды диагнозы анықталғанға дейін шұғыл медициналық көмек көрсетуге арналған қысқа мерзімді бөлу палаталары (диагностикалық палаталар);
7) қарқынды терапия палатасы (бұдан әрі – ҚТП)
8) зертханалық, рентгенологиялық, ультрадыбыстық, эндоскопиялық диагностика және басқа да зерттеулерді жүргізу аймағы;
9) амбулаториялық пациенттерді қарап-зерттеу аймағы;
10) инфекциялық ауруларға күмәнді адамдарға арналған изолятор.
«Triage» жүйесінің қабылдау бөліміндегі маңыздылығын айтып, қабылдау бөлімінің Аға мейіргерінің «Тriage» қызметі бойынша міндеттерін атап өтті.
Дәріс барысында, Денсаулық сақтау саласындағы мемлекеттік көрсетілетін қызметтер стандарттарын бекіту туралы түсіндірді. Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығы. Қазақстан Республикасының Әділет министрлігінде 2015 жылы 11 маусымда № 11304 тіркелді.
