ХҚТУ кітапхана ғимаратында, КДО мен Түркістан облысының неврологтар қауымдастығы үйымдастырған жоғары деңгейдегі конференция өтті.
17 қаңтар 2019 жылы, Қ.А. Ясауи атындағы Халықаралық Қазақ Түрік университетінің кітапхана ғимаратында, ректор Болатбек Серікбайұлының қолдауымен “2018 жылға жедел-ми қан айналымының бұзылысын меңгеру жол картасының интеграциялық моделін орындау бойынша іс-шара мониторингі. Туындаған мәселер және оның шешу жолдары” бағдарламасы бойынша Түркістан облысында алғашқы үлкен конференция өтті.
Конференция ұйымдастырушылары ХҚТУ-нің клиника-диагностикалық орталығы және Түркістан облыстық неврологтар қауымдастығы. Конференцияға Түркістан облысының түрлі емханаларынан, медициналық мекемелерінен 100-дей дәрігерлер мен мейірбекелер қатысты.
Бұл конференцияның басты мақсаты: инсульт алған науқастарға тез айығуына медициналық көмек көрсету.
Конференция, Түркістан облысының денсаулық сақтау мекемесінің штаттан тыс бас неврологы Н.А. Жаркинбекованың сәлемдесу сөзімен басталды.
Конференцияда Санкт Петербург қаласынан келген И.П. Павлов академигі атындағы мемлекеттік медициналық университеті неврология кафедрасының профессоры, невролог, эрготерапевт Камаева Ольга Викторовна “Жедел-ми қан айналымының бұзылысы бар науқастарды жүргізу, жүргізу қағидалары және операциядан кейінгі араласудың асқынуын алдын алу пәнаралық тәсілі” туралы мазмұнды баяндама оқыды.
Сонымен қатар, Түркістан облысының денсаулық сақтау мекемесінің штаттан тыс бас неврологы Н.А.Жаркинбекованың “Тәжірибелі дәрігер мектебі. Жедел-ми қан айналымының бұзылысы бар науқастардың диагностикасы мен емделуі туралы не білеміз. Инсульт орталықтары, жедел-ми қан айналымының бұзылысы бар науқастарға көмек ұйымдастыру мәселелері” және Түркістан облысының денсаулық сақтау мекемесінің штаттан тыс бас неврологы А.К.Бахтиярованың “Облыс бойынша жедел-ми қан айналымының бұзылысы бар науқастарға нейрохирургиялық көмек көрсетуін оңтайландыру” атты баяндамалары оқылды.
Конференция соңында, Санкт Петербургтан келген Ольга Викторовна мен Түркістан облысының дәрігерлері, мейірбекелері арасында сұрақтар қойылып, мәселелер талқыға салынды.
«Осындай, қажетті іс-шаралар жалғасын табады» деген ниетте клиника-диагностикалық орталықтың бас дәрігері Рустемова Сандуғаш Абдуллаевна.
