Клиника-диагностикалық орталығында травматолог-дәрігерлермен сол жіліншіктің екі жақ сүйектерінің көп жазықтықты бұрыштық деформациясының түзетуші остеотомиясы және тибиальды интрамедуллярлық остеосинтез оталары сәтті өтті. Күрделі оталарды клиниканың жоғары білікті мамандары, Гази университетінде (Түркия/Анкара) біліктілігін арттырған, медицина ғылымдарының кандидаты, доцент м.а., жоғары санатты травматолог-ортопед Ахметов Алмасбек Паридинович, жоғары санатты травматолог-ортопед Ахаев Қуат Сейдалиұлы және жоғары санатты травматолог Хаумет Ерден жасады.

Науқасқа сол жақ төменгі аяғының жоғарғы үштен бір бөлігінің стресс сынуы, сол жақ төменгі аяғының екі сүйегінің көп жазықтықты бұрыштық деформациясы, сол жақ төменгі аяғының 4 см қысқаруы диагноздары қойылған еді.

Отадан кейін сол жақ төменгі аяқтың көп жазықтықты деформациясы жойылды, сол жақ төменгі аяқтың осі қалпына келтірілді және деформацияны түзету арқылы сол жақ төменгі аяқтың ұзындығы 4 см ұзартылды. Қазіргі уақытта, ота жасалған науқастың жағдайы бір қалыпты.