Коронавирустық (2019-nCoV) инфекцияның алдын алу бойынша семинар өтті
Қожа Ахмет Ясауи атындағы Халықаралық қазақ-түрік университеті клиникалық-диагностикалық орталығында коронавирустық инфекцияның алдын алу бойынша «Коронавирустық (2019-nCoV) инфекция жағдайын анықтау стандарты және көмек көрсетудің барлық кезеңдеріндегі шұғыл іс-шаралар алгоритмі» атты семинар өткізілді.
Инфекционист Шерметова Мутабар Бекқызы әлемде және Қытайда коронавирустық инфекцияның таралуы бойынша эпидемиологиялық жағдай, қауіп тобындағы тұлғалар арасындағы асқыну жиілігі, медициналық ұйымның ерекшелігіне байланысты медициналық ұйымдарда эпидемияға қарсы алгоритмдерді ұйымдастыру және жүргізу ерекшеліктері, сондай-ақ профилактикалық іс-шаралар кешені туралы баяндады.
М. Б. Шерметованың айтуынша, қазір басты міндет — медицина қызметкерлерін аурудың клиникалық көрінісімен таныстыру. Бұл жедел медициналық жәрдем қызметі және алғашқы буын. Сондай-ақ халық арасында санитарлық-ағартушылық және ақпараттық-түсіндіру жұмыстары жүргізілуі тиіс.
Маманның сөзінше, жаңа коронавирустық (nCoV) инфекцияға күдікті кезде медициналық көмек көрсету кезінде инфекциялардың алдын алу және бақылау үшін:
- пациенттерді стационардың жеке бокс/ ИТП-боксына жатқызу;
- ЖМК қызметкерлеріне уақтылы хабардар ету;
- шұғыл хабарламалар, коронавирустық инфекцияға күдікті әрбір жағдайға кезектен тыс хабарламалар беру арқылы ТКҚСҚБК-ны ақпараттандыру;
- пациентпен жұмыс істеу, пациентті ауыстыру кезінде N-95-респираторларды қолдану;
- медициналық қызметкерлердің ЖҚҚ қолдануы (қолғаптар, халат, көзілдірік немесе көру органдарын қорғауға арналған қорғаныш маска).
- Қол гигиенасын нақты сақтау (қолды өңдеуге арналған дезинфектанттармен, сабынмен, ағын сумен жуу).
- пациентпен байланыста болған соң 14 күн бойы медициналық қызметкерлердің жағдайын бақылау;
- науқастың туыстарымен кездесу уақытын шектеу;
- пациентпен тікелей байланысатын медицина қызметкерлерінің санын азайту;
- пациентті бокстан босатқаннан кейін — боксты 2 сағат ішінде тазалау және желдету.
Семинарға КДО дәрігерлері мен медициналық қызметкерлері қатысты.
