Клиникалық-диагностикалық орталыққа Түркия Республикасы тарапынан Еуропа Денсаулық сақтау департаментінің сыртқы жұмыс басшылары мен дәрігерлері келді.
Түркия қонақтарының назарын аударған нысандар қатарында Қожа Ахмет Ясауи атындағы клиникалық-диагностикалық орталық болды. Бір күн ішінде Түркиядан келген қонақтар жоғары білікті дәрігерлермен түрлі хирургиялық операциялар мен медициналық манипуляцияларды жоспарлау мақсатында Түркістан облысының басқа да емханаларында, перзентханаларында және балалар ауруханаларында болды. 5 сәуірден 13 сәуірге дейін Түркістан облысына денсаулық сақтау апталық болуына байланысты Түркиядан түрлі мамандықтағы 10-15 тәжірибелі дәрігерлер келеді.
Медициналық мекемені қонақтарға КДО бас дәрігері Рустемова Сандуғаш Абдуллаевна және Түркия тарапынан клиника меңгерушісі Өзтекин Фатих көрсетті. Қонақтар кешеннің техникалық жабдықталуын бағалауға және медициналық көмек көрсету жүйесін зерттеуге мүмкіндік алды. Сондай-ақ, олар орталықтың жұмысымен танысып, орталықта озық технологиялар, медициналық қызмет көрсету сапасының әлемдік стандарттары және осы саладағы халықаралық менеджмент негізінде жоғары сапалы медициналық көмек көрсететіндігін көрді.
