Кардиохирург, профессор С. Жошыбаев семинар–тренинг өткізді

Қ.А. Ясауи атындағы Халықаралық қазақ-түрік университетінің медицина факультетінде кардиохирург, медицина ғылымдарының докторы, профессор, ҚР Ұлттық ғылымдар академиясының корреспондент мүшесі, «Кардиохирургия және трансплантология ғылыми-клиникалық орталығы» директоры Сейітхан Жошыбаев, Медицина факультетінің студенттеріне семинар-тренинг өткізді. Тренингте профессор Сейітхан Жошыбаев болашақ дәрігерлермен қазіргі таңда жиі кездесетін “Қан тамыры аурулары” тақырыбы туралы талқылады. Білікті маман өз тәжірибесімен бөлісіп, студенттерге болашақ кардиохирургия саласындағы жобалар туралы айтып кетті.
ҚР Президенті Қасым-Жомарт Тоқаев 2020 жылды Волонтер жылы деп жариялаған болатын. Денсаулық сақтау министрі медицина саласында волонтерлік қызметті дамыту үшін үлкен мүмкіндіктер бар екенін атап өтті.
Осыған байланысты, профессор Сейітхан Жошыбаев жас дәрігерлерді тәжірибелік оқумен бірге, жүрек ауруларының сан алуан өзекті мәселелері бойынша ғылыми-зерттеу жұмыстарын жүргізуге, «волонтер жылының» медицина іс-шараларын жүзеге асыруға белсене қатысуға шақырды. Семинар барысында студенттер сұрақтар қойып, пікір алмасты.