«Инсульттің алдын алу» ашық есік күні

     Қазанның 29-ы күні ХҚТУ КДО емханасында Дүниежүзілік инсультпен күрес күні аясында Кардиолог және невропатолог дәрігері бөлмесінде ашық есік күндері өтті. Жыл сайын əлемде Дүниежүзілік инсультке қарсы күрес күні 29-шы қазанда атап өтіледі. Инсульт — ми тканінің зақымдалуын, оның қызметінің, мидағы қан айналысының кенеттен бұзылуы; осының салдарынан миға қан құйылады, немесе ми тамырлары бітеліп қалады (тромбоз). Дүниежүзілік инсультпен күрес күніне арналған шаралар азаматтардың аталған ауру туралы хабардарлығын арттыруға, уақытылы диспансерлеу мен профилактикалық медициналық тексеруден өту, артериялық қысымды бақылау мен қауіп-қатер факторларын түзету қажеттілігін, сонымен бірге, инсульт белгілерін білу мен инсульт жағдайы орын алғанда өзіндік іс-әрекеттер мен айналадағы адамдардың әрекеттері туралы хабардар болуға негізделген. Аурудың алдын алу аурудың қаупін айтарлықтай төмендетуге мүмкіндік беретінін есте сақтау маңызды. Инсульттің алдын алуға артериялық қысымды бақылау, толық тиімді тамақтану, дене белсенділігі, салмағын бақылау, стресстің болмауы жатады.

Емханаға келушілер алдымен ДДБ бой, салмақ, қан қысымдары өлшеніп дәрігер бөлмесінде қабылдауда болды. Сонымен қатар, керекті нұсқау бойынша науқастардан тегін анализдер алынып, ЭКГ және МРТ аппаратқа түсірілді. КДО орталықта Инсульт бөлімде жатқан науқастарға кеңестер беріліп, алдағы уақытта осы дертке шалдыққан науқастармен режим, диета, дене белсенділік жәнеде салауатты өмір салтын ұстану керектігі туралы кеңестер берілді.

Қалалық салауатты өмір салтын қалыптастыру орталығының дәрігер үйлестірушісі Г. Нуруллаева салауатты өмір салтын насихаттап келуші науқастарға және студенттерге кеңес беріп, ақпараттық таным материалдар, парақшалар берілді. Осы тақырыпта холлдарда, коридорда күтіп отырған келушілерге инсульттің алдын алу, алғашқы белгілері, шағымдары туралы бейнеролик арқылы көрсетілді.