Дәрігерлеріміз Түркияда біліктіліктерін арттырып келді
2021 жылдың 4 қаңтар – 5 ақпан аралығында, Қожа Ахмет Ясауи атындағы Халықаралық қазақ-түрік университетінің клиника-диагностикалық орталығында қызмет ететін дәрігерлер: Абуов Нурали Ералиевич – І санатты дәрігер-уролог, Мустафаев Ерлан Алдабергенович – жоғары санатты анестезиолог-реаниматолог, Дуйсебеков Еркін Шойбекұлы – ІІ санатты дәрігер-нейрохирург, Мирзаев Фуркат Зиявиддинович – дәрігер-нефролог, Марат Нұр Маратқызы – ІІ санатты дәрігер-эндокринолог, кәсіби білімдері мен дағдыларын арттыру мақсатында, Қожа Ахмет Ясауи атындағы Халықаралық қазақ-түрік университетінің Өкілетті кеңесінің қолдауымен, Ыстанбұл Медипол университетінің ынтымақтастық хаттамасына сәйкес, Медипол Мега университетінің аурухана кешенінде бір ай бойы біліктіліктерін арттырды.Оқу аяқталғаннан кейін клиника дәрігерлері Ыстанбұл Медипол университетінің сертификаттарымен марапатталды. Елге қайтып келген дәрігерлер клиника бас дәрігері Осман Ажарға алғыстарын білдіріп, әріптестерімен біліктілік курстарында жинақтаған тәжірибелерімен бөлісті. Оқу кезінде клиника дәрігерлеріміз түрлі хирургиялық оталарға, Da Vinci жүйесінің роботты хирургиялық қондырғыларын қолдану арқылы жасалатын оталарға қатысып, медицина саласындағы соңғы заманауи әдістерді бақылаған. Мұндай роботты қолдану арқылы жасалатын оталар онкоурология, абдоминалдық хирургия, кардиохирургия, нейрохирургия және ортопедия салаларында жүргізіледі.
Сондай-ақ, Медипол Мега университеті ауруханасының заманауи медициналық жабдықтарымен танысып, аурухана білім мен зерттеулерге үлкен мән беретінін айтып кетті.
Дәрігерлер Түркия елінде алған ілімдерін клиника-диагностикалық орталығы дәрігер мамандармен бөлісіп, жинаған тәжірибелерін клиника жұмысына еңгізіп, клиникамыздың медицина саласында үлкен жетістіктерге жетуіне үлес қосады деген үміттеміз!