Жүкті және бала емізетін әйелдердің дұрыс тамақтануы туралы семинар
Облыстық салауатты өмір салтын қалыптастыру орталығының ұйымдастыруымен Қожа Ахмет Ясауи атындағы Халықаралық қазақ-түрік университетінің клиника-диагностикалық орталығында «Әр жастағы балалардың ұрпақты болу жасындағы, жүкті және емшек сүтімен қоректендірілетін әйелдердің тамақтануын жақсарту» тақырыбында, бұқаралық ақпарат құралдары қатысуымен семинар өтті.
Семинар халық арасында дұрыс тиімді тамақтану және қант диабетінің алдын алу мақсатында ұйымдастырылды. Семинар барысында, медицина ғылымдарының кандидаты, денсаулық магистрі, нутрициолог – диетолог Чуенбекова Ардақ Байбарақовна мен облыстық салауатты өмір салтын қалыптастыру орталығының үйлестіруші-дәрігері Нуруллаева Гузаль Сабыржанқызы әйелдер үшін әр түрлі тамақты жеткілікті мөлшерде дейін және жүктілік кезінде, сонымен қатар босанғаннан кейінде маңызды екенін түсіндірді. Салауатты тамақтану, емшек сүтінің құрамына, баланың дамуы мен өсуі үшін неғұрлым оңтайлы ықпал ететінің ақпараттық парақша, слайд және видео- материалдармен түсіндіріп кетті.
