«Денсаулық фестивалі»

Бүгін Түркістан қаласы «Арбат» демалыс аймағында,  салауатты өмір салтын қалыптастыру мақсатында, дәстүрлі «Денсаулық фестивалі» өтті. Іс-шараны Облыстық салауатты өмір салтын қалыптастыру орталығы ұйымдастырды.

«Медициналық қалашықтарда» Облыстық клиникалық ауруханасы, Облыстық балалар ауруханасы, Облыстық тері-венерологиялық диспансері, №3 Облыстық перинатальді орталық, Облыстық туберкулезге қарсы диспансер, Облыстық ЖИТС орталығы, Облыстық Жедел жәрдем көрсету станциясы, Қожа Ахмет Ясауи атындағы Халықаралық қазақ-түрік университеті клиника-диагностикалық орталығы, Түркістан қалалық емханасы, Кентау қалалық емханасы, Түркістан орталық ауруханасы және Міндетті әлеуметтік сақтандыру қоры, қала тұрғындарына кардиолог, офтальмолог, невропатолог, эндокринолог, онколог, уролог дәрігерлерінен тегін медициналық кеңес алып, «денсаулық сандарын» (қандағы қант, холестерин деңгейі, АҚ деңгейі және т.б.) анықтауға өз қызметтерін ұсынды.

Фестивальда ХҚТУ клиника-диагностика орталығының медицина қызметкерлері мен дәрігерлері дұрыс тамақтану бойынша мастер класс ұйымдастырды. Клиниканың кардиолог және офтальмолог дәрігерлері тұрғындардың қан қысымын, бой салмағын өлшеп, кеңестерін беріп, тегін медициналық қызмет көрсетті.

Фестиваль барысында спорттық және мәдени іс-шаралар өтті.