Ерте жастағы балаларды оңтайлы тамақтандыру ережесіне сәйкес, «Қандай азық-түлікте дәрумендер көп?» тақырыбы бойынша іс-шара өткізілді.

ХҚТУ клиника-диагностикалық орталығының баланың даму кабинетінде ата-аналарға ерте жастағы балаларды оңтайлы тамақтандыру ережелері туралы іс-шара жүргізілді. Баланың даму кабинеті мейірбикесі Рысметова К, бағалаулар бойынша, жыл сайын әлемде тамақтанудың жеткіліксіздігі балалардың өлім-жітімінің барлық жағдайларының 45% әкелетіндігін, емшек және ерте жастағы балаларды тамақтандыру балалардың өмір сүруін жақсарту және олардың сау өсуі мен дамуына жәрдемдесу саласындағы маңызды бағыттардың бірі болып табылатындығын атап өтті.

Іс-шараның басты мақсаты — оңтайлы тамақтандырудың бала ағзасының тыныс-тіршілігіне, физикалық, жүйке-психикалық дамуына, денсаулық жағдайына, қабылдаудың танымдық қабілетіне және қарқынды өсу процестеріне негізгі әсер ететіндігін көрсету.

Оңтайлы тамақтану жұқпалы, алиментарлық-тәуелді, онкологиялық және эндокриндік ауруларға басты қарсы тұрушы және қорғаушы болып табылады. Шамамен алты айдың ішінде баланың энергия мен қоректік заттарға деген қажеттілігі олар емшек сүтімен қанағаттануы мүмкін деңгейден асып, қосымша тамақтануды енгізу қажет болады. Осы жаста бала басқа тамақ өнімдерін пайдалануға және өзінің дамуына дайын.

Қосымша энергия көзі, микроэлементтер, витаминдер мен минералдар ретінде баланың өсуі мен дамуын қолдау үшін әр түрлі азық-түліктер ұсынылуы тиіс. Тек ботқа және көкөніс, жеміс пюресін ұсынбау керек, бұл баланың қажеттіліктерін толықтыру үшін әртүрлі тағамдарды алу мүмкіндігін шектейді. Қосымша тағам дайындау үшін отбасылық үстелден (пісірілген ет, картоп, кеспе, күріш және т.б.) тамақты пайдалану негізделген тәжірибе болып табылады. Бұл ретте ерте жастағы балаларға тамақ тұзын алып тастамаған жағдайда, ең аз мөлшерге дейін шектеу қажет екенін ескеру қажет. Дайындалған тағамда ингредиенттер көп болса, соғұрлым жақсы. – екендігін, жас ата-аналарға Рысметова К. түсіндірді. Сонымен қатар,  қандай азық-түлікте дәрумен көп екендігін айтып, кеңестерін ұсынды.