2008 жылы 1 желтоқсанда әуелі Түркістан халқына, сосын бүкіл Оңтүстік Қазақстан облысы тұрғындарына қызмет көрсету мақсатында ашылған ХҚТУ Клиника диагностикалық орталығына биыл он жыл.
Басым бөлігі Түркия Республикасы тарапынан қаржыландырылған Клиника-диагностикалық орталығының құрылысы 2000 жылы басталып, 2006 жылы аяқталған.
120 төсек-орны бар емхана бір ауысымда 200 адамды қабылдау мүмкіндігіне ие Әр түрлі саладағы 69 дәрігер, жалпы 312 қызметкер жұмыс істейді. 

Жалпы қан анализаторы, биохимиялық анализаторы, гармон анализаторы, жалпы несеп анализаторы, сонымен қоса соңғы үлгідегі магниттік — резонансты томограф, компьютерлік томограф, ультрадыбыстық аппараттары, эндоскопиялық аппараты орнатылған.
Клиникада қазіргі таңда 6 бөлімше бар: хирургия, реанимация, терапия, травматология, нейрореанимация, нейроинсульт, гемодиализ, жарақат бекеті.
Сонымен қатар жоғары мамандандырылған хирург, эндокринолог, кардиолог, гинеколог, травматолог, реаниматолог, проктолог, нефролог, стоматолог, нейрохирург,логопед,реабилитолог,терапевт,уролог, көз дәрігері, невропатолог, ЛОР дәрігері қызмет көрсетеді.