Ақжолтай хабар! Бүгінде Индонезияның Джакарта қаласында өтіп жатқан Азия ойындарында 81 келі салмақта сынға түскен дзюдошы, Қожа Ахмет Ясауи атындағы Халықаралық қазақ-түрік университетінің 3-курс студенті Дидар Хамза Азия ойындарының чемпионы атанды. Финалда ирандық Саид Моллаидан басым түскен ол Қазақстан құрамасына Азия ойындарындағы оныншы алтын жүлдені тарту етті.
Ерекше айтатын жағдай, Дидардың осы жеңіске жетуіне тікелей ықпал еткен жаттықтырушысы өзінің әкесі Файзиев Марат болса, осындай балуанды дүниеге әкелген анасы — біздің орталықтың қызметкері, емхана медбикесі Файзиева Айгүл. Әріптесімізді ұлының жетістікке жетуімен, ал жалпы Қазақ елін байрақты бәсекеде топ жаруымен шын жүректен құттықтаймыз! Жеңіс құтты болсын!